#Energetika

Bərpa olunan enerji mənbələri Avstriya və Azərbaycan arasında əməkdaşlıq üçün perspektivli sahədir - Nazirlik

Aug 02, 14:47 / Mənbə: Az.trend.az

Bakı. Ləman Zeynalova - Trend:

Bərpa olunan enerji mənbələri Avstriya və Azərbaycan arasında əməkdaşlıq üçün perspektivli sahədir.

Bunu Trend-ə Avstriyanın Avropa və Beynəlxalq İşləri Federal Nazirliyindən bildiriblər.

Nazirlikdən qeyd olunub ki, qazıntı enerji mənbələrindən imtina qlobal tendensiyadır:

"Avstriyada hidroenerji texnologiyalarının istehsalı üzrə dünya səviyyəli şirkətlər fəaliyyət göstərir. Azərbaycan öz enerji sektorunu şaxələndirməyə çalışdığı üçün və bərpa olunan enerji mənbələrinə investisiya qoyduğu üçün bu sahədə əməkdaşlıq baxımından yaxşı imkanlar var. Avstriya şirkətləri artıq Azərbaycanda yeni layihələrin inkişafına maraq göstərib. Eyni zamanda Avstriya Azərbaycandan enerji ehtiyatlarının idxalına davam edəcək. 2019-cu ildə Azərbaycandan enerji ehtiyatlarının idxalı 440 milyon avroya çatmışdı. Pandemiya dövründə bu göstərici 75 faiz, 110 milyon avroyadək azalıb".

Xəbərin mənbəsi: Az.trend.az


info@deirvlon.com

dnews@deirvlon.com

+994 (50) 874 74 86

+994 (50) 730 38 13

Copyright © 2020 Deirvlon News. All rights are reserved.
Deirvlon Technologies.