#Digər-ölkələr

Tunisdə siyasi böhran dərinləşir

Jul 26, 09:16 / Mənbə: Report.az

Tunis Respublikasının Prezidenti Kays Sayid Xalq Nümayəndələri Məclisinin (birpalatalı parlament) 60-dan çox üzvünün və bir sıra dövlət məmurlarının ölkədən çıxışına qadağa qoyub.

“Report” xəbər verir ki, bu barədə “Mosaique FM” radiostansiyası məlumat verib.

Qeyd olunub ki, buna səbəb onlarla bağlı məhkəmədə işlərin olmasıdır. Dövlət başçısının parlamenti buraxması bəyanatından sonra hərbçilər paytaxta daxil olaraq qanunverici orqanın və milli televiziya şirkətinin binası yaxınlığında mövqelər tutublar.

Ölkə parlamentinin spikeri, “Ən-Nəhda” partiyasının lideri Rəşid Qənnuşi isə bildirib ki, ölkə prezidenti konstitusiyaya zidd addımlar atır.

Xatırladaq ki, Tunis Respublikasının Prezidenti Kays Sayid Xalq Nümayəndələri Məclisinin (birpalatalı parlament) fəaliyyətinin dayandırıldığını elan edib.

#تونس | مشاهد لعناصر وآليّات #الجيش_التونسي في ساحة #باردو قرب مجلس النواب في العاصمة التونسيّة.#قيس_سعيد #هشام_مشيشي #حركة_النهضة pic.twitter.com/7xMnOT4Fib

Xəbərin mənbəsi: Report.az


info@deirvlon.com

dnews@deirvlon.com

+994 (50) 874 74 86

+994 (50) 730 38 13

Copyright © 2020 Deirvlon News. All rights are reserved.
Deirvlon Technologies.