#Cəmiyyət

Çadırda gecələyən məcburi köçkünlər - VİDEO

Sep 16, 14:00 / Mənbə: Oxu.az

Sabunçu rayonu Pirşağı qəsəbəsində məcburi köçkünlərin müvəqqəti məskunlaşdığı “Qızılqum” sanatoriyasının binası qəzalı vəziyyətə düşüb. Sanatoriyanın beşmərtəbəli binasında yaşayan sakinlər bu gecə evsiz qalıblar. 

Baku Tv xəbər verir ki, onlar artıq bu binada yaşamağa ehtiyat edirlər və əlaqədar qurumlardan yardım istəyirlər. 

Qeyd edək ki, sakinlər binanın qəzalı vəziyyətə düşməsinin səbəbini, yaxın ərazidə aparılan qazıntı işlərində görür.  

Qaçqınların və Məcburi Köçkünlərin İşləri üzrə Dövlət Komitəsinin sözçüsü İbrahim Mirzəyev narahatlığa lüzum görmür. Binada yaşayan 115 ailəyə dövlət vəsaiti hesabına kirayə mənzillərə çıxmaq təklif edilib. Həmin ailələrin Sabunçu rayonunda gələn ilin əvvəlində istifadəyə veriləcək məcburi köçkünlər üçün yeni yaşayış kompleksinə köçürülməsi nəzərdə tutulub. Əlavə edək ki, məsələ ölkə rəhbərliyinin xüsusi diqqətindədir. 

Xəbərin mənbəsi: Oxu.az


info@deirvlon.com

dnews@deirvlon.com

+994 (50) 874 74 86

+994 (50) 730 38 13

Copyright © 2020 Deirvlon News. All rights are reserved.
Deirvlon Technologies.