#Dünya

Meksikada həyəcan təbili: Ölümcül təhlükəli radioaktiv qurğu oğurlanıb - FOTO

Apr 12, 22:21 / Mənbə: Oxu.az

Meksika Nüvə Təhlükəsizliyi Komissiyası içində potensial olaraq ölümcül “İridium-192” elementi olan sənaye radioqrafiya avadanlığının oğurlanmasından sonra doqquz əyalətə xəbərdarlıq yollayıb.

“İzvestiya”nın məlumatına görə, bu barədə agentliyin “Twitter” səhifəsində deyilir.

Bildirilir ki, “Delta 880” modelli “QSA Global” cihazı aprelin 11-də Mexiko ştatının Teoloyukan bələdiyyəsinin girişində “Garantia de Calidad” şirkətindən oğurlanıb.

⚠️ #InformaciónImportante

La @CONASENUSA informa que a las 5:00 horas de hoy se reportó el robo de un equipo de radiografía industrial en #Teoloyucan, #EDOMEX.

⚠️ El material que aloja es considerado muy peligroso. pic.twitter.com/ZKqOdYwhmO

Məlumatda deyilir ki, “Toyota Hilux” pikapı ilə seriya nömrəsi “TT3303” olan və indiki aktivliyi 68.89 Küri hesablanan “İridium-192” radioaktiv mənbəli konteyner aparılıb.

Mülki müdafiə xidməti radioaktiv mənbənin çıxarılması və ya manipulyasiyasının sağlamlığın geri dönülməz nəticələrinə, hətta ölümə səbəb ola biləcəyi barədə xəbərdarlıq edir.

Meksikanın federal və regional rəhbərliyi oğurluqla əlaqədar ictimai axtarış və qoruma protokollarını işə salıb.

Xəbərin mənbəsi: Oxu.az


info@deirvlon.com

dnews@deirvlon.com

+994 (50) 874 74 86

+994 (50) 730 38 13

Copyright © 2020 Deirvlon News. All rights are reserved.
Deirvlon Technologies.