#Cəmiyyət

Xalqın sağlamlığına verilən dəyər

Jul 31, 12:48 / Mənbə: Kaspi.az

Modul tipli xəstəxana kompleksləri ölkənin səhiyyə

sistemində əlavə iki min çarpayılıq ehtiyat yaradacaq

 

Prezident İlham Əliyevin müvafiq tapşırıqlarına

əsasən, pandemiyanın qarşısının alınması, əhalinin sağlamlığının qorunması

məqsədilə həyata keçirilən önləyici kompleks tədbirlər çərçivəsində ölkə

ərazisində ümumilikdə 10 modul tipli xəstəxana kompleksinin quraşdırılmasına

başlanılıb. Mayın 7-də Bakıda 1 saylı Kliniki Tibbi Mərkəzdə ilk, iyunun 9-da

28 saylı Bilgəh qəsəbəsində Birləşmiş Şəhər Xəstəxanasının, 1 saylı Sumqayıt

Şəhər Xəstəxanasının və Abşeron rayonunun Saray qəsəbə xəstəxanasının, iyunun

24-də 1 saylı Gəncə Şəhər Xəstəxanasının modul tipli infeksion xəstəliklər

korpusları, iyulun 6-da Xətai rayonunda modul tipli hospital istifadəyə

verilib. Prezident İlham Əliyevin iyulun 29-da Qobustan, İsmayıllı, Şəki və

Qəbələyə səfərləri çərçivəsində koronaviruslu xəstələrin müalicəsi üçün nəzərdə

tutulan daha 4 modul tipli xəstəxananın açılışı olub. Digər analoji səhiyyə

müəssisələrində olduğu kimi, bu 4 tibb ocağında da orta ağırlıqlı simptomları

olan infeksion koronavirus xəstələrinin qəbulu və müalicəsi aparılacaq.

Xüsusilə qeyd olunmalıdır ki, bu komplekslər rayon mərkəzi xəstəxanalarının

yaxınlığında quraşdırılaraq onlara təhkim olunub ki, bu da koronavirus

xəstələrinin lazımi tibbi xidmətlərlə əhatə olunması üçün vahid idarəetməni və

tibbi koordinasiyanı təmin edir. Onu da vurğulamaq lazımdır ki, bu modul tipli

xəstəxanalara, korpuslara zərurət olmadıqda – yəni, pandemiya ilə mübarizə başa

çatdıqdan sonra onlar asanlıqla digər sahələrə köçürülə və başqa məqsədlər üçün

– məsələn, hərbi hissələr, sərhəd xidməti, tədris və ya fövqəladə hallar,

yataq, məişət xidməti və sair üçün istifadə edilə bilər.

 

Ən kritik

vəziyyətə hazır olaq

Millət vəkili

Tamam Cəfərova Azərbaycan dövlətinin koronavirus pandemiyasının yayıldığı ilk günlərdən onunla

mübarizə istiqamətində çox mühüm addımlar atdığını diqqətə çatdıraraq, bu

çərçivədə modul tipli xəstəxanaların yaradılmasını böyük əhəmiyyətə malik

hadisə kimi qiymətləndirib. Qeyd edib ki, Prezident İlham Əliyevin müvafiq

tapşırıqlarına əsasən, ölkə ərazisində ümumilikdə 10 modul tipli xəstəxana

kompleksinin quraşdırılmasına başlanılıb, artıq bu səhiyyə müəssisələrindən bir

neçəsi istifadəyə verilib. Deputatın sözlərinə görə, ümumilikdə, yaradılacaq

modul tipli xəstəxana kompleksləri ölkənin səhiyyə sisteminə əlavə 2000

çarpayılıq ehtiyat yaradacaq: "Xəstəliyin dinamikasından görünürdü ki, əlavə

xəstəxanalara ehtiyac olacaq. Ona görə də cənab Prezident göstəriş verdi ki,

əlavə on modul tipli xəstəxana sifariş olunsun, onların yerləri müəyyən edilsin

və biz ən kritik vəziyyətə hazır olaq. Məhz Azərbaycan Prezidentinin

uzaqgörənliyi nəticəsində ilk günlərdən qabaqlayıcı tədbirlərin görülməsi,

məqsədyönlü addımlar atılması bu gün ölkəmizdə vəziyyəti tam nəzarətdə

saxlamağa imkan verib. Hazırda ölkəmizin 45 xəstəxanasında koronavirus

xəstələri müalicə alır ki, həmin tibb müəssislərinin 36-sı dövlət başçısının

müvafiq sərəncamları ilə inşa edilib. Pandemiyanın ilk aylarında

respublikamızda cəmi 6 laboratoriya var idisə, sonradan onların sayı 29-a

çatdırılıb, 15 yeni laboratoriya da sifariş edilib. Belə uğurlu addımlar

nəticəsində Azərbaycan adambaşına düşən testlərin sayına görə dünyada təqribən

40-cı yerdədir”.

 

Prezident

həmişəki kimi vətəndaşın yanındadır

T.Cəfərova vurğulayıb ki, Qobustan, İsmayıllı və

Şəkidə yeni istifadəyə verilən modul tipli xəstəxanalarda ümumilikdə 300 palata

və 600 çarpayı mövcuddur. Onun sözlərinə görə, Qəbələdəki modul tipli xəstəxana

da digərləri kimi yüksək standartlara cavab verir və hər bir səhiyyə kompleksi

mərkəzləşdirilmiş Oksigen Generator Sistemi, həmçinin havalandırma sistemi ilə

təchiz edilib: "Bir müddət əvvəl istifadəyə verilən Fövqəladə Hallar Nazirliyinin

Tibb Mərkəzinin modul tipli hospitalı da xəstəliklə mübarizədə əlavə imkanlar

yaradır. Bu xəstəxana isə 800 çarpayılıq idi. Həmin ərazidə təqribən bir ay-ay

yarım ərzində yeni bir xəstəxana da inşa ediləcək. O da modul tipli xəstəxana

olacaq. Orada çarpayıların sayı 1300-ə qədər olacaq. Yəni, təqribən iki ay

ərzində  2 mindən çox xəstəni orada yerləşdirmək mümkün olacaq. Bu il

istifadəyə verilmiş "Yeni klinika”da isə hazırda 350 xəstə müalicə alır və qısa

müddət ərzində orada çarpayıların sayını 700-750-yə çatdırılacaq. Bir qədər

əvvəl söylədiyim kimi, iyulun 29-da dövlət başçısının iştirakı ilə regionlarda

daha 4 modul tipli xəstəxana istifadəyə verilib. Bütün bunları nəzərə alsaq,

deyə bilərik ki, bu gün ölkəmizdəki səhiyyə müəssisələrində kifayət qədər çarpayı

ehtiyatımız var. Pandemiya ilə mübarizədə biz hər bir vəziyyətə hazır

olmalıyıq. Düzdür, ilk gündən bütün qabaqlayıcı tədbirlərin görülməsi

nəticəsində bu gün vəziyyət nəzarət altındadır. Buna rəğmən, ölkə başçısı

əlindən gələni edir ki, kritik vəziyyətə hazır olaq. Bu isə bir daha onu

göstərir ki, Cənab Prezident həmişəki kimi, öz vətəndaşının yanındadır,

əhalinin sağlamlığının qeydinə qalır”.

 

 

Səhiyyə sisteminin "təzyiq” altında qalmaması

Millət vəkili

Şahin Seyidzadə qəzetimizə açıqlamasında deyib ki, koronavirus pandemiyası dövründə ölkəmizdə

virusla mübarizə, yoluxanların müalicəsi, əhalinin sağlamlığının qorunması üçün

əhəmiyyətli addımlar atılır. Deputatın sözlərinə görə, ölkəmizdə bu istiqamətdə

əvvəlcədən düşünülərək görülən işlər peşəkar idarəetmənin göstəricisidir: "Bu,

çox xoş haldır ki, bəzi dünya ölkələrində olduğu kimi koronavirus ölkəmizdə

böyük fəlakətlər yaratmadı. Bunun bir çox səbəbi var ki, bunlardan ən başlıcası

dövlətin məsuliyyətli davranaraq öncədən tədbirlər görməsidir. Burada biz

sərhədlərin bağlanması, qoruyucu tibbi maska istehsal edən müəssisənin

istifadəyə verilməsi, karantin rejiminin tətbiqi və sair kimi məsələləri qeyd

edə bilərik. Həmçinin öncədən səhiyyə sisteminin "təzyiq” altında qalmaması

üçün əlavə tədbirlər görülüb. Bu tədbirlərdən biri də modul tipli xəstəxanaların

qurulmasıdır. Cənab Prezidentin müvafiq tapşırıqlarına əsasən, əhalinin

sağlamlığının təmin edilməsi üçün nəzərdə tutulan kompleks tədbirlər

çərçivəsində 10 modul tipli xəstəxananın quraşdırılmasına başlanılıb. Qısa

müddət ərzində Bakı, Sumqayıt və Gəncə şəhərləri, həmçinin Abşeron, Qobustan,

Şəki və Qəbələ rayonlarında infeksion xəstəliklər korpusları, modul tipli

hospitallar əhalinin xidmətinə verilib. Bütün zəruri təchizatla, oksigen

generator sistemi və digər avadanlıqlarla təmin edilən modul tipli

xəstəxanaların quraşdırılması nəticəsində artıq səhiyyə sistemimizdə əlavə 2000

çarpayılıq yer imkanı ortaya çıxır”.

 

 

Koronavirusa yoluxanlar və sağalanlar arasında balansın tənzimlənməsi

Millət vəkilinin qənaətincə, modul tipli

xəstəxanaların quraşdırılması xoş haldan yaranmış zərurətə görə deyil,

gözlənilmədən üzləşdiyimiz virusla mübarizə üçündür: "Müasir texnika ilə qısa

müddət ərzində hazırlanaraq quraşdırılan bu modul tipli xəstəxanalar daha sonra

asanlıqla köçürülərək müxtəlif məqsədlərdə istifadə edilə bilər. Misal üçün

hərbi, sərhəd keçid məntəqələri və yaxud tədris məqsədi ilə. Ümumiyyətlə modul

tipli xəstəxanaların belə çətin zamanda çevik hazırlanması və quraşdırılması

göstərir ki, pandemiya ilə mübarizə dövründə dövlət əhalinin qorunması bütün

imkanlarını səfərbər edir. Prezident İlham Əliyevin bu tipli xəstəxanaların

açılışında özünün iştirak etməsi, müvafiq tapşırıqlar verməsi də sübut edir ki,

koronavirusla mübarizə dönəmi davam etdiyi müddətdə dövlət başçısı bu məsələni

diqqət mərkəzində saxlayır. Əhalimiz də bunu müsbət qarşılayır, yaradılan

səhiyyə imkanlarını yüksək dəyərləndirir. Çünki, bir qədər əvvəl qeyd etdiyim

kimi, modul tipli xəstəxanaların quraşdırılması və xidmətə verilməsi səhiyyə

sistemimiz üzərində olan yükü, "təzyiqi” azaldır. Modul tipli səhiyyə

komplekslərinin istifadəyə verilməsi nəticəsində əlavə çarpayı yerləri yaranır.

Bu da öz növbəsində yoluxan şəxslərin müalicəsi üçün imkanların genişlənməsinə,

nəticədə yoluxanlar və sağalanlar arasında balansın tənzimlənməsinə gətirib

çıxarır. Düşünürəm ki, yaxın müddətdə modul tipli xəstəxanalara olan ehtiyacı

tamamilə yox olacaqdır. Son dövrün təhlili göstərir ki, müalicə alaraq

sağalanların sayı yoluxanların sayını keçir. Bu, müsbət trenddir”.

Rufik

İSMAYILOV

Xəbərin mənbəsi: Kaspi.az


info@deirvlon.com

dnews@deirvlon.com

+994 (50) 874 74 86

+994 (50) 730 38 13

Copyright © 2020 Deirvlon News. All rights are reserved.
Deirvlon Technologies.