#Elm-və-təhsil

Azərbaycanda universitet müəllimi COVID-19-dan ölüb

May 04, 16:51 / Mənbə: Report.az

Bakı Mühəndislik Universitetinin Fizika kafedrasının müdiri Baba Qasımov vəfat edib.

“Report” xəbər verir ki, koronavirusa yoluxan B.Qasımov 70 yaşında dünyasını dəyişib.

Qeyd edək ki, B.Qasımov 1951-ci ildə Ağdamda anadan olub. 1969-cu ildə Bakı şəhərinin 174 saylı orta məktəbini bitirərək həmin ildə Bakı Dövlət Universitetinin fizika fakültəsinə qəbul olub. 1972-ci ildə təhsilini davam etdirmək üçün Moskva Dövlət Universitetinə keçib. Həmin universiteti fərqlənmə diplomu ilə bitirib.

1980-ci ildə BDU-da kiçik elmi işçi vəzifəsində işə başlayıb. 1984-cü ildən böyük elmi işçi, 1988-ci ildən aparıcı elmi işçi vəzifələrində çalışıb. 1993-cü ildə BDU-dan Təhsil Nazirliyində Elm İdarəsinin rəis müavini və Analiz və Proqnoz şöbəsinin rəisi vəzifələrində də çalışıb.

2016-cı ildən isə Bakı Mühəndislik Universitetində adıçəkilən kafedranın müdiri kimi işləyib.

Allah rəhmət eləsin!

Xəbərin mənbəsi: Report.az


info@deirvlon.com

dnews@deirvlon.com

+994 (50) 874 74 86

+994 (50) 730 38 13

Copyright © 2020 Deirvlon News. All rights are reserved.
Deirvlon Technologies.